महाराष्ट्र न्यूज प्रतिनिधी : शहाजीराजे भोसले (कळंब – इंदापूर)
इंदापूर तालुक्यात काही गावांमधील कुटुंबे कोरोनाबाधीत आढळून आली आहेत . तोच पायंडा काल कायम राहिला असून जवळपास ५ गावांतील कुटुंबे किंवा एकमेकांच्या संपर्कातील नातेवाईक कोरोनाबाधीत आढळून आले आहेत . याचाच अर्थ असा की , नागरिक काळजी व दक्षता घेत नसून , जे बाहेर फिरत आहेत , त्यांनी स्वतःहुन कुटुंबापासून स्वतःला विलग करण्याची गरज आहे .
कळंब येथे एका कुटुंबातील ६० वर्षीय महिला , ४६ वर्षीय महिला , ५७ वर्षीय पुरुष व १४ वर्षीय मुलीचा कोरोना अहवाल पॉझिटीव्ह आला आहे कळाशी येथे देखील ३ जणांना कोरोनाची लागण झाली आहे . त्यामध्ये ३८ वर्षीय महिला , ६० वर्षीय महिला व १८ वर्षीय युवकाचा समावेश आहे . बोरी येथे पुन्हा एकदा संपुर्ण कुटुंब कोरोनाबाधीत आढळून आले असून यामध्ये १४ वर्षीय युवक , ३० वर्षीय महिला , १० वर्षीय मुलगी , ७९ वर्षीय पुरुष व ७२ वर्षीय महिलेचा समावेश आहे . वालचंदनगर येथीलही कुटुंबास कोरोनाची लागण झाली आहे . निमसाखर येथील ५ जण कोरोनाग्रस्त आढळून आले असून यामध्ये १९ वर्षीय युवती , ७० वर्षीय महिला , ३६ वर्षीय महिला , ५० वर्षीय पुरुष व ४० वर्षीय महिला रूग्णांचा समावेश आहे .
