🚨 ब्रेकिंग न्यूज | मायणी परिसरात बिबट्याचा वावर

Posted By: Maharashtranewson: May 18, 2026In: ताज्या बातम्याNo Comments

मायणी : मायणी येथे बिबट्याच्या वावरामुळे नागरिकांमध्ये भीतीचे वातावरण निर्माण झाले असून वन विभागाने सतर्कतेचा इशारा दिला आहे. भिसेवस्ती, शिंदेवाडी आणि बदाचा मळा परिसरात गेल्या काही दिवसांपासून बिबट्याचे दर्शन होत असल्याची चर्चा होती. शुक्रवारी रात्री काही युवकांना प्रत्यक्ष बिबट्या दिसला आणि त्याचा व्हिडिओ सोशल मीडियावर व्हायरल झाला.

यानंतर वन अधिकारी रामदास घावटे आणि स्थानिक प्रशासनाने परिसराची पाहणी केली असता बिबट्याच्या पायाचे ठसे आढळले. त्यामुळे परिसरात बिबट्याचा वावर असल्याची खात्री वन विभागाला पटली आहे.

वन विभागाने नागरिकांना खालील सूचना दिल्या आहेत:

शेतात किंवा निर्जन ठिकाणी एकटे जाऊ नका
नेहमी समूहाने फिरा
रात्री शेतात जाणे टाळा
हातात काठी व टॉर्च ठेवा
लहान मुलांना संध्याकाळनंतर बाहेर एकटे सोडू नका
गोठे बंदिस्त ठेवा आणि प्रकाश सुरू ठेवा
घराजवळील झाडीझुडपे साफ करा
संशयास्पद हालचाल दिसल्यास तात्काळ वन विभागाशी संपर्क साधा

स्थानिक नागरिकांनीही विशेष काळजी घेण्याचे आवाहन करण्यात आले आहे, कारण उन्हाळ्यात पाण्याच्या आणि भक्ष्याच्या शोधात बिबटे मानवी वस्तीजवळ येण्याच्या घटना वाढतात.