BREAKING NEWS

कोरेगाव शिबिर यशस्वीरित्या संपन्न

कोरेगाव शिबिर यशस्वीरित्या संपन्न

Posted By: Maharashtranewson: March 01, 2022In: जिल्हाविषयक, ताज्या बातम्या, साताराNo Comments

कोरेगाव, दिनांक 28: दिव्यांग बंधू-भगिनी तसेच 60 वर्षांवरील ज्येष्ठ नागरिक यांच्यासाठी दिनांक 27 व 28 फेब्रुवारी रोजी कोरेगावात पूर्व तपासणी व नोंदणी शिबिराचे आयोजन करण्यात आले होते.या शिबिराचे उद्घाटन खासदार श्रीनिवास पाटील तसेच इतर मान्यवरांच्या हस्ते उत्साहात झाले. सुमारे एक हजार दिव्यांग बंधू-भगिनी आणि सुमारे 750 ज्येष्ठ नागरिकांनी तपासणीसाठी उपस्थिती लावली, अशी माहिती प्रशासनाने दिली .याबाबत अधिक माहिती अशी की; नवी दिल्ली येथील सामाजिक न्याय व अधिकारिता मंत्रालय यांच्या योजनेतून हा लोकोपयोगी उपक्रम राबविण्यात येत आहे. सातारा जिल्हा प्रशासन आणि सातारा जिल्हा परिषद यांच्या संयुक्त विद्यमाने हे शिबिर झाले. कृत्रिम अवयव आणि सहाय्यभूत साधने यांचे मोफत वाटप करण्याच्या उपक्रमाचा प्राथमिक भाग म्हणून पूर्व तपासणी आणि नोंदणी शिबिर कोरेगाव येथील सरस्वती विद्यालयात संपन्न झाले या योजनेअंतर्गत ज्येष्ठ नागरिक व दिव्यांगांना त्यांच्या गरजेनुसार व अलिम्को या संस्थेच्या तज्ज्ञांमार्फत सल्ला देण्यात आला.या उपक्रमाअंतर्गत ज्येष्ठ नागरिक आणि दिव्यांगांना; पूर्व तपासणी आणि नोंदणी शिबिर झाल्यानंतर संबंधित लाभार्थ्याच्या गरजेनुसार दुसऱ्या टप्प्यात तीन चाकी सायकल, व्हीलचेयर,काळ्या कँलिबर्स, कुबड्या, मोटर सायकल ,कृत्रिम हात पाय, श्रवणयंत्रे, ब्रोल किटस, एम आर टिप्स, नंबरचा चष्मा ,स्मार्टफोन इत्यादी उपकरणे मोफत दिली जाणार आहेत. या योजनेचा लाभ घेण्यासाठी संबंधित लाभार्थ्याने आपल्या जवळच्या नागरी सुविधा केंद्रात नाव नोंदणी करावी ,असे आवाहन करण्यात आले होते .दिव्यांगांना कृत्रिम अवयव, सहाय्यभूत साधने मोफत मिळावी तसेच ज्येष्ठ नागरिकांना सहाय्यभूत साधने मोफत मिळावीत, हा या शिबिरामध्ये आहे.*

Maharashtranews

See author's posts

Related

About the author

Maharashtranews

Related Articles

Leave a Reply Cancel Reply

You must be logged in to post a comment.

2023 @ All Rights Reserved Maharashtra News ---- Website Designed And Developed By NK Web Service Mo : 9665382780