महाराष्ट्र न्यूज प्रतिनिधी : शहाजीराजे भोसले(कळंब – इंदापूर)
इंदापूर तालुक्यातील लासुर्णे या गावी जमीर मुलाणी मित्र परिवाराच्या वतीने, लासुर्णे येथील मस्जिद मध्ये , बकरी ईद सणाचे औचित्य साधत , होमिओपॅथीक ‘आर्सेनिक अल्बम ३०’ गोळ्या व सॅनिटायझरचे , मुस्लीम बांधव व आशा स्वयंसेविकांना माजी. बांधकाम व आरोग्य समिती सभापती , जिल्हा परिषद सदस्य प्रविण माने यांच्या हस्ते वाटप करण्यात आले .यावेळी प्रविण माने यांनी सांगितले की , बकरी ईद त्याग व बंधुभाव हा संदेश देणारा सण असून , कुर्बानी देत पारंपरिक पद्धतीने साजरा केला जातो . कोरोनाच्या पार्श्वभूमीवर , मुलाणी यांच्या मित्र परिवाराच्यावतीने सामाजिक बंधुभाव जपत ईद साजरा करण्यात आला . याप्रसंगी सर्व उपस्थितांशी संवाद साधत , त्यांना बकरी ईद सणाच्या प्रविण माने यांनी शुभेच्छा दिल्या .
लासुर्णे येथे आयोजित करण्यात आलेल्या या कार्यक्रमाप्रसंगी अॅड. तेजसिंह पाटील , जमीर मुलाणी , विजय निंबाळकर , निलेश लोंढे , अभिजीत रूपनवर , कौस्तुभ पाटील , हिमांशू पाटील , हमीद मुलाणी , अजित मुलाणी , जुलेखान मुलाणी , दादाभाई मुलाणी , बशीर शेख , सचिन खरवडे , आदी मान्यवर व ग्रामस्थ उपस्थित होते .
