महाराष्ट्र न्यूज कळंब/ इंदापूर प्रतिनिधी शहाजीराजे भोसले
दैनिक पुण्यनगरी वृत्तपत्र समुहाचे संस्थापक , वृत्तपत्र सृष्टीतील आदरणीय मुरलीधर ( बाबा ) शिंगोटे यांचे यांचे निधन झाले .त्यांना शहर ग्रामीण मराठी पत्रकार संघ इंदापूर तालुका व महाराष्ट्र राज्य मराठी पत्रकार संघ इंदापूर तालुका यांच्या वतीने भावपूर्णआदरांजली वाहण्यात आली .
यावेळी पत्रकार संघाचे अध्यक्ष निळकंठ मोहिते , मार्गदर्शक मधुकर गलांडे , पुणे जिल्हा संपर्क प्रमुख महेश स्वामी , मुख्य सचिव सागर शिंदे , कार्यकारी सदस्य निखिल कणसे , शिवाजी पवार , शिवकुमार गुणवरे , लक्ष्मण सांगवे आदी उपस्थित होते .
यावेळी आदरांजली वाहताना महेश स्वामी म्हणाले की , आमचे दैवत असलेल्या बाबांचे अनपेक्षित निघून जाणे , फारच वेदनादायी आहे . महाराष्ट्रातील असंख्य तरूणांच्या वृत्तपत्र व्यवसायाच्या माध्यमातून संसार उभे करण्यात बाबांचे मोठे योगदान आहे . वृत्तपत्र विक्रेता ते महाराष्ट्रातील व्दितीय क्रमांकाच्या वृत्तपत्र समुहाचे मालक असा त्यांचा प्रवास मराठी माणसाला प्रेरणादायी असल्याचे सांगितले .
