कोरोना विषाणू बाधित रुग्णांवर उपचारासाठी फलटण येथील सुविधा हॉस्पिटल अधिग्रहित

महारष्ट्र न्यूज प्रतिनिधी :फलटण

   जिल्हाधिकारी सातारा यांच्या आदेशानुसार कोरोना  विषाणू बाधित रुग्णांवर   उपचारासाठी फलटण येथील सुविधा हॉस्पिटल हे पुढील आदेशापर्यंत अधिग्रहित करण्यात आले आहे. डॉक्टर, नर्स व इतर कर्मचारी वर्ग यांच्यासह हे रुग्णालय अधिग्रहित करण्यात  असून त्यामध्ये 30 खाटांचे सुसज्ज विलगीकरण  कक्ष तयार करून आवश्यक त्या सर्व बाबींची तयारी करण्यात यावी असा आदेश देण्यात आलेला आहे.कोरोना बाधित रुग्णांची फलटण तालुक्यातील संख्या दिवसेंदिवस वाढतच आहे. त्यामुळे अशा कार्यवाहीची आवश्यकता होतीच.

                       दरम्यान यापूर्वी कोऱोना बाधित रुग्णांसाठी अधिग्रहीत करण्यात आलेल्या निकोप हॉस्पिटल मध्ये आशा रुग्णांवर उपचार करण्यात येत नसल्याची माहिती समोर येत आहे. निकोप हॉस्पिटल संपूर्णपणे अधिग्रहण करण्याचे जिल्हाधिकारी यांचे आदेश असताना केवळ 10  आयसीयु  बेड  उपलब्ध करून घेतले  गेले आहेत. त्यामुळे संपूर्ण रुग्णालय अधिग्रहित करण्यात आलेले नाही. याबद्दल उलट सुलट चर्चा ऐकावयास मिळते. राजकीय दबावापोटी असा निर्णय घेण्यात आल्याची चर्चा नागरिकांमध्ये आहे.

Maharashtranews

See author's posts