महाराष्ट्र न्यूज प्रतिनिधी सातारा : आज दुपारी १२ च्या सुमारास केळघर च्या पुढे आंबेघर येथे वेण्णा नदीवरील ( रामजी बुवा पुल ) पुलावरून चारचाकी गाडी नदीमध्ये कोसळल्याने १ जण जागीच ठार झाला आणि त्या गाडीतील अन्य ४ जण जखमी झाले आहेत .
याबाबत घटनास्थळावरून मिळालेली माहिती अशी की, आज दुपारी १२ च्या सुमारास महाबळेळश्वरवरून साताराकडे जाणारी गाडी नं. MH २० C S9787 हि गाडी आंबेघर येथील वेण्णा नदीवरील पुलावरून सरळ नदी पात्रत कोसळल्यामुळे चालकाचा जागीच मृत्यू झाला आहे .
या गाडीत एकूण ५ जण होते यापैकी अमित जोशी वय ४२ वर्ष हा मयत असून अन्य ४ जण यांची नावे अशी समरजीत बशरे वय१७, संकेत पाटिल वय १६, यशराज पाटिल वय १८ , आयुष शेडगे वय १७ सर्व रहाणार औरंगाबाद येथील आहेत . हे सर्व जण महाबळेश्वरला फिरायला आले होते व आज सातारा मार्गे घरी निघाले असता वाटेत हा दुदैवी प्रकार घडला.
गाडी चालक अमित जोशी याने गाडीतून उडी मारल्यामुळे गाडीखाली आल्यामुळे मृत झाल्याचे जखमींनी सांगितले .दरम्यान मेढा पोलिसांना खबर मिळताच मृताला शवविच्छेदनासाठी व जखमींना उपचारासाठी मेढा येथे नेण्यात आले आहे.हे सर्व प्रवासी औरंगाबाद येथील असल्याची माहिती समोर आलीय.
