सातारा- जागतिक महिला दिनानिमित्त विलासपूर, गोळीबार मैदान परिसरातील प्रत्येक महिलेचा मान सन्मान राखून फिरोजभाई पठाण यांनी एक स्तुत्य उपक्रम राबवला आहे. यावर्षी साक्षात ‘जिजाऊ’ या कार्यक्रमाच्या निमित्ताने सर्वांना पाहायला मिळाल्या. फिरोज पठाण यांनी समाजकार्यासाठी स्वतःला वाहून घेतले असून आ. शिवेंद्रसिंहराजेंच्या मार्गदर्शनाखाली समाजसेवेचा, लोकसेवेचा वारसा अखंडित चालवतील, असे आश्वासक प्रतिपादन कर्तव्य सोशल ग्रुपच्या संस्थापिका श्रीमंत छ. सौ. वेदांतिकाराजे भोसले यांनी केले.
आंतरराष्ट्रीय महिला दिनानिमित्त विलासपूर परिसरातील गोळीबार मैदान येथे फिरोज पठाण मित्र समूहाच्यावतीने आगळ्यावेगळ्या कार्यक्रमाचे आयोजन करण्यात आले होते. याप्रसंगी त्या बोलत होत्या. यावेळी नगरसेवक शेखर मोरे पाटील, माजी सरपंच बाळासाहेब पिसाळ, अभय जगताप, अमित महिपाल, रवी पवार, ऍड. अंजुम पठाण, वनिता कण्हेरकर, बर्गे ताई, मालती साळुंखे, हेमलता कीरवे, उषा जाधव, वैष्णवी कदम, पुनम निकम, उज्वला निंबाळकर, आरती जगताप, रुपाली घाडगे, विजया क्षीरसागर, तेजश्री बर्गे, विद्या चव्हाण, पूजा चव्हाण, मालन सावंत, मीनल जोशी, विजया नगरे, सोनल माने, ऋतुजा सुर्वे, उषा पवार, सोनाली मोरे, मनीषा आवळे यांच्यासह अनेक मान्यवर उपस्थित होते.
