प्रतिनिधी-पिंपोडे बु!! करंजखोप ता.कोरेगाव चे सुपुत्र श्री राजेंद्र लालासाहेब शिंदे यांचा चित्रपट क्षेत्रात उल्लेखनीय कामगिरी केल्या बद्दल पुरस्कार देऊन सन्मान करण्यात आला.राजेंद्र शिंदे हे प्रसिद्ध उद्योजक लालासाहेब शिंदे यांचे चिरंजीव आहेत. पिंपरी चिंचवड येथील न्यूज १४ कडून विविध क्षेत्रात उल्लेखनीय कामगिरी केलल्या मान्यवरांचा सन्मान करण्यात आला त्यामध्ये चित्रपट क्षेत्रात यशस्वी पदार्पण केल्याबद्दल राजेंद्र शिंदे यांचा सन्मान करण्यात आला चित्रपट उद्योजक श्री लालासाहेब शिंदे यांचे सुपुत्र चित्रपट निर्माता श्री राजेंद्र शिंदे यांनी सलग पाच यशस्वी चित्रपटांची निर्मिती केली असून आजोबा, कॉफी आणि बरंच काही ,वाघेऱ्या त्याचबरोबर बॉईज, बॉईज टू या चित्रपटांनी महाराष्ट्रामध्ये स्वतंत्र असा तरुण आणि दर्जेदार प्रेक्षक वर्ग निर्माण केला आहे.लवकरच शिंदे यांचा आगामी चित्रपट बॉईज थ्री हा प्रेक्षकांच्या भेटीला दाखल होणार आहे.
मनोरंजना बरोबरच सामाजिक बांधिलकी जपनाऱ्या श्री राजेंद्र शिंदे यांचा सन्मान ज्येष्ठ समाजसेवक पद्मश्री गिरीश जी प्रभूने,अखिल भारतीय चित्रपट महामंडळाचे अध्यक्ष श्री मेघराज राजे भोसले, तसेच पिंपरी-चिंचवड महानगरपालिकेचे आयुक्त श्री राजेश पाटील, पोलीस आयुक्त कृष्णप्रकाश,अखिल भारतीय नाट्य परिषद अध्यक्ष श्री भाऊसाहेब भोईर व इतर मान्यवर व्यक्तींच्या उपस्थित गुरुवारी दि ७ रोजी ऑटो क्लस्टर पिंपरी-चिंचवड पुणे येथे संपन्न झाला त्यांच्या या यशाबद्दल उत्तर कोरेगाव तसेच करंजखोप ग्रामस्थ आणि मित्र परिवार यांच्या कडून अभिनंदन करण्यात आले.
