महाराष्ट्र न्यूज प्रतिनिधी : शहाजीराजे भोसले (कळंब – इंदापूर)
इंदापूर तालुका शिक्षण प्रसारक मंडळ संचलित नारायणदास रामदास हायस्कूल व कला , विज्ञान व वाणिज्य महाविद्यालयात शनिवार , दि. १५ ऑगस्ट रोजी ७४ व्या स्वातंत्र्य दिनानिमित्त महाराष्ट्र राज्याचे माजी सहकार व संसदीय कार्यमंत्री हर्षवर्धन पाटील यांच्या हस्ते व उत्साहाच्या वातावरणात ध्वजारोहण करून मानवंदना देण्यात आली .भारताला स्वातंत्र्य मिळवून देण्यात योगदान असलेल्या सर्व ज्ञात-अज्ञात व्यक्तींचे कृतज्ञतापूर्वक स्मरण पाटील यांनी केले .
देशाच्या स्वातंत्र्यानंतर कोरोनाच्या महामारीमुळे स्वातंत्र्य दिन विद्यार्थ्यांविना साजरा केला जात आहे . या संकटातून लवकरच सर्वांची सुटका व्हावी व संपूर्ण मानव जातीचे कल्याण व्हावे , याबद्दल आपण सर्वजण प्रयत्न करून कोरोनासारख्या संकटावर मात करू व पुन्हा एकदा आत्मनिर्भयतेने आरोग्यदायी भारत निर्माण करू, असे उपस्थित मान्यवरांना सांगितले .
