महाराष्ट्र न्यूज प्रतिनिधी : शहाजीराजे भोसले (कळंब – इंदापूर)
प्रधानमंत्री आवास योजनेत ज्या लाभार्थ्यांना जागेअभावी घरे बांधता येत नव्हती अशा इंदापूर तालुक्यातील २६२ लाभार्थ्यांना गावरानात घरे बांधण्यासाठी जिल्हाधिकारी यांनी मंजुरी दिल्याने सर्व सामान्य गरिबांचे हक्काचे घर बांधण्याचे स्वप्न साकार होणार असल्याची माहिती बांधकाम राज्यमंत्री दत्तात्रय भरणे यांनी दिली .
राज्यमंत्री दत्तात्रय भरणे यांनी सांगितले की, अनेकांना घरकुले मंजुर होती, परंतु त्यांच्यी जागा विकत घेण्याची ऐपत नसल्याने ते घरकुल बांधत नव्हते. अशा लोकांचे प्रस्ताव आपण गटविकास अधिकारी यांचेमार्फत जिल्हाधिकारी यांचेकडे त्यांना शासकीय जागा मिळावी याकरिता पाठवले होते. यासाठी आपण स्वत: जिल्हाधिकारी यांचेकडे पाठपुरावा केला होता. आयुष प्रसाद यांचेकडे जिल्हाधिकारी पदाचा कार्यभार असताना त्यांनी २६२ लाभार्थ्यांना मंजुरी दिली .
