महाराष्ट्र न्यूज प्रतिनिधी : शहाजीराजे भोसले (कळंब – इंदापूर)
कला शिक्षक गुरूदत्त वांतेकर ( रा. विठ्ठलापूर, साखळी ) यांनी आपल्या निवासस्थानी एका बालकाचे रांगोळी माॅर्फमध्ये साकारलेले चित्र सोशल मिडियावर लक्षवेधी ठरले आहे.
गुरूदत्त हे केशव साधनेच्या वाळपई येथील शाळेत कला शिक्षक आहेत. ते दरवर्षी गणेशोत्सवात एका प्रसिध्द व्यक्तीची रांगोळी काढतात. मात्र यंदा काही हटके करावे, अशा हेतूने त्यांनी वाॅटर माॅर्फमध्ये रांगोळी साकारली.
चेहर्यावर पाणी घेतलेले गोंडस बालक पाहताना ती रांगोळी आहे, यावर आपला विश्वासच बसत नाही .गुरूदत्त वांतेकर हे फाईन आर्टचे पदवीधारक असून त्यापुढील शिक्षण त्यांनी मुंबईतून पूर्ण केले .चित्रकलेसोबत रांगोळी या कलेत त्यांनी विशेष निपुणता प्राप्त केली आहे. अनेक राज्यस्तरीय स्पर्धेत त्यांनी बक्षीसे मिळवली आहेत.
बालकाच्या चेहर्यावरील ओघळणारे पाणी पावडररूपी रांगोळीतून दाखविणे , हे आव्हान होते . हि निर्मिती करण्यासाठी आठ दिवस लागले . दर दिवशी मी दोन तास काम करीत असे – गुरूदत्त वांतेकर , चित्रकार
