महाराष्ट्र न्यूज प्रतिनिधी : शहाजीराजे भोसले (कळंब – इंदापूर)
इंदापूर तालुक्यातील पळसदेव येथील पाझर तलावातील पाण्याचे पुणे जिल्हा परिषद बांधकाम व आरोग्य समितीचे माजी सभापती व विद्यमान सदस्य प्रविण माने यांच्या शुभहस्ते पुजन करण्यात आले. इंदापूर तालुका पाऊसाच्या बाबतीत तसा दुष्काळीच भाग आहे .दरवर्षी येथे परतीचाच पाऊस पडतो .परंतु यंदा इंदापूर तालुक्यात पाऊसाने चांगलीच कृपादृष्टी दाखवली. यामुळे ऐन पावसाळ्यात ऑगस्ट महिना अखेर हा पाझर तलाव भरल्याचे दिसत आहे. गेल्या दहा वर्षांत पहिल्यांदाच हा तलाव पावसाच्या पाण्याने भरला असल्याने उत्साहाचे वातावरण निर्माण होवून बळीराजा सुखावला आहे.
जलपुजन कार्यक्रमाच्या निमित्ताने प्रविण माने यांनी उपस्थितांशी संवाद साधला. वरुणराजाची अशीच कृपादृष्टी सदैव आपल्या इंदापूर तालुक्यावर राहो , व बळीराजाच्या चेहरावरील हसू सदैव फुलू देत असे सांगितले.
यावेळी मेघराज कुचेकर, अनिल खोत, सुजित मोरे , दत्तात्रय शेलार, सतिश मोरे आदींसह पळसदेव येथील ग्रामस्थ उपस्थित होते.
