आई माझी काळुबाई या मालिकेत प्राजक्ता गायकवाड दिसणार आर्याच्या भूमिकेत

सातारा : सोनी मराठी वाहिनीवर १४ सप्टेंबरपासून सुरू होणाऱ्या आई माझी काळुबाई  या मालिकेत प्राजक्ता गायकवाड ही आर्याच्या

 भूमिकेत दिसणार आहे.आई माझी काळुबाई मालिकेच्या प्रोमोला आणि प्राजक्ता यकवाडच्या या नव्या भूमिकेला प्रेक्षकांनी विशेष पसंती दिली आहे.

या मालिकेत प्राजक्ता साकारणार आहे आर्या या कॉलेज तरुणीची भूमिका. या भूमिकेबद्दल विचारलं असता ती म्हणाली, मी पहिल्यांदाच  माझ्या वयानुरूप भूमिका करणार आहे आणि या  भूमिकेसाठी मी खूप उत्सुक आहे .’ गेल्याच वर्षी   मांढरदेवी काळुबाईच्या दर्शनाचा योग प्राजक्ताला आला होता

 आणि या वर्षी ही भूमिका मिळाली, त्यामुळे हा काळुबाईचा आशीर्वादच आहे; असं प्राजक्ता समजते. प्राजक्ताच्या घरातही भक्तिमय वातावरण  आहे, त्यामुळे आई काळुबाईवरची ही मालिका स्वीकारताना तिला खूप आनंद झाला.

नवीन मालिकेत प्राजक्ताचं दिसणंही नवीन असणार आहे. या भूमिकेसाठी प्राजक्तानं स्वतःवर बरंच काम केलं असून तिनं स्वतःमध्ये आमूलाग्र बदल केले आहेत. याआधी ऐतिहासिक भूमिकेतून प्रेक्षकांसमोर आलेली प्राजक्ता पहिल्यांदाच तिच्या वयाला अनुरूप अशी भूमिका करताना दिसणार आहे. ही भूमिका करण्यासाठी ती अतिशय उत्सुक आहे आणि या मालिकेचं चित्रीकरण साताऱ्याला सुरू आहे. आर्याच्या भूमिकेसाठी तिनं वजन कमी केलं असून हेअर स्टाईल सुद्धा बदलली आहे.

         आई माझी काळुबाई ही आर्याच्या  भक्तीची आणि काळुबाईच्या शक्तीची गोष्ट आहे. या मालिकेत काळुबाईची भूमिका अलका कुबल साकारणार आहेत.

पाहायला विसरू नका, आई माझी काळुबाई , १४ सप्टेंबरपासून सोमवार ते शनिवार संध्या. ७ वा. फक्त आपल्या सोनी मराठी वाहिनीवर.

Maharashtranews

See author's posts