वडजल ता फलटणच्या लाल मातीचे भूषण असणाऱ्या आणि उत्कृष्ट आयोजन आणि नियोजनासाठी प्रसिद्ध असलेल्या वडजल भव्य कुस्ती स्पर्धा यंदा सोमवारी (दि.११) रोजी श्रीमंत रामराजे नाईक निंबाळकर यांच्या वाढदिवसानिमित्त वडजल येथे रंगणार आहेत, अशी माहिती वडजल कुस्ती स्पर्धा आयोजकांनी दिली. वडजल ता.फलटण येथे सोमवार (दि.११) रोजी दुपारी ४ वाजता स्पर्धांचे उद्‌घाटन होणार आहे. (दि.११) अंतिम सामने झाल्यानंतर बक्षीस वितरण होणार आहे. यावेळी आजी-माजी महाराष्ट्र केसरी,उप महाराष्ट्र केसरी, तसेच ज्येष्ठ मल्ल या स्पर्धेसाठी उपस्थित राहणार आहे. प्रसिद्ध कुस्ती निवेदक पै अनिकेत कदम,फडतरवाडी हे स्पर्धांचे समालोचन करणार आहेत.
या स्पर्धेत विकास सूळ विरुद्ध पृथ्वीराज मोहोळ यांच्यात एक लाख एक्कावन्न हजार तसेच जयदीप गायकवाड विरुद्ध सचिन केचे एक लाख एकतीस हजार अश्या प्रेक्षणीय लढती तसेच ,एकलाख एकवीस हजार,एकलाख ,पंचाहत्तर हजार,एकावन्न हजार,एकतीस हजार आणि एकवीस हजारच्या तीन या मुख्य कुस्त्या तसेच प्रेक्षणीय अशा एकूण पन्नास कुस्त्या कुस्ती शौकीनाना पहायला मिळणार आहेत.तरी सर्व कुस्ती शौकिनांनी या कुस्ती स्पर्धेला उपस्थित राहण्याचे आवाहन वडजल कुस्ती स्पर्धेच्या आयोजकांनी केले आहे.
 | ReplyForward |
