महाराष्ट्र न्यूज प्रतिनिधी :
भाजपचे विधानपरिषदेचे आमदार गोपीचंद पडळकर यांनी काल शरद पवार यांच्यावर अतिशय खालच्या भाषेत टीका केली. त्यानंतर राष्ट्रवादीकडून त्यांना जोरदार प्रत्युत्तर दिलं जात आहे.
माजी मंत्री आणि नुकतीच विधान परिषदेवर निवडून गेलेले आमदार शशिकांत शिंदे यांनी पडळकर यांचा जोरदार समाचार घेतला आहे.आदरणीय पवार साहेबांच्या बद्दल बोलताना स्वतःची लायकी ओळखून स्वतःच्या उंचीत रहावे.. कालपर्यंत आमदारकीचे तिकीट मिळावे म्हणून साहेबांच्या मागे लागणारा आज बेताल वक्तव्य करू लागलाय.आमच्या नेत्याने गेली 50 वर्षे देशाच्या व राज्याच्या विकासामध्ये मोठे योगदान दिले, हे त्या भामट्याने लक्षात ठेवावे, असं शशिकांत शिंदे म्हणाले आहेत.
