महाराष्ट्र न्यूज प्रतिनिधी : शहाजीराजे भोसले (कळंब – इंदापूर)
इंदापूर तालुक्यातील कळंब हे सुमारे २२ हजार लोकसंख्या असलेले मध्यवर्ती गाव आहे . गावातील अंतर्गत बहुतांशी रस्ते ग्रामपंचायतीच्या माध्यमांतून पूर्ण करण्यात आले असले तरी काही मुख्य व अंतर्गत रस्ते खराब झालेल्या अवस्थेतच आहेत .
यामध्ये अंतर्गत रस्ता प्रामुख्याने प्रमोद खंडागळे ते जुने तलाठी ऑफिस पर्यंत. हा रस्ता अनेक वेळा तोंडी व लेखी तक्रार करुनही ग्रामपंचायत प्रशासनाने याकडे आजपर्यंत दुर्लक्ष केले आहे . रस्ता अत्यंत महत्त्वाचा व रहदारीचा आहे . गटाराचे व सांडपाणी रस्त्यावरून वाहत असल्याने रहदारीसाठी खराब व अपघातग्रस्त झाला आहे . ग्रामपंचायत प्रशासनाने त्वरीत हा रस्ता करून द्यावा , अशी मागणी प्रमोद खंडागळे व परिसरातील नागरिकांनी केली आहे . हा रस्ता दुरुस्त न झाल्यास ग्रामपंचायत प्रशासनाच्या विरोधात नागरिकांसमवेत आंदोलन करणार असल्याचे प्रमोद खंडागळे यांनी सांगितले .
