महाराष्ट्र न्यूज प्रतिंनिधी रहिमतपूर :
कोरेगाव तालुक्यातील साप येथील श्री सिद्धेश्वर विद्यालयात माजी सैनिक गणेश जाधव यांच्या हस्ते ध्वजारोहण करुन स्वातंत्र्यदिन उत्साहात साजरा करण्यात आला.
श्री सिद्धेश्वर विद्यालयाच्या प्रांगणात माजी सैनिक गणेश जाधव यांनी ध्वजारोहण करुन राष्ट्रध्वजास मानवंदना दिली. यावेळी बोलताना सरपंच शशिकला शेडगे यांनी देशाच्या सुरक्षेसाठी आपले जवान सीमेवर रात्रंदिवस कर्तव्य बजावत आहेत. म्हणूनच आपल्या गावासह देशभरात शांतता कायम आहे. त्यांचे देशासाठी योगदान अमूल्य आहे. आपले गावचे सुपुत्र जवान गणेश जाधव यांनी आपल्या कार्यकाळात जम्मू काश्मीर, राजस्थान, पंजाब आदी ठिकाणी कर्तव्य बजावले आहे. अशा शब्दात जवानांचे कौतुक केले. दरम्यान, ग्रामपंचायतीसमोर सरपंच शशिकला शेडगे यांच्या हस्ते ध्वजारोहण करण्यात आले. यावेळी उपसरपंच नागेश अडसुळे, सदस्य चंद्रकांत जाधव, सचिन कदम, विकास कदम, किरण जाधव, सदस्या उज्ज्वला कदम, मनीषा कदम, कल्पना कदम, दर्शना अडसुळे, कांताबाई कांबळे, माजी सैनिक शंकरराव जाधव, सचिन पवार, रघुनाथ अडसुळे, जवान संतोष कदम, शाळेचे मुख्याध्यापक के.एन.जमदाडे, संतोष कदम, ग्रामसेवक संतोष पाटील, तलाठी जाधव, शिक्षक व ग्रामस्थ कोरोनाच्या पार्श्वभूमीवर ठरावीक अंतरावर उभे राहून उपस्थित होते.
