महाराष्ट्र न्यूज प्रतिनिधी :खटाव
दुष्काळी परिस्थितीत कमी पाण्यावर येणारे तसेच प्रतिकार शक्ती वाढविण्यासाठी म्हणजेच शरिरातील पांढरे पेशी वाढविण्याकरिता मदत करणारे ड्रॅगन चे पीक घेण्याची खटाव तालुक्यातील पहिलीच वेळ आहे. या भागात आता ड्रॅगन फ्रुटच्या लागवडीसाठी शेतकरी पुढे येत आहेत.
खटाव तालुक्यात पहिल्यांदाच ड्रॅगन पीक घेण्यासाठी शेतकरी केशव गुलाबराव धुमाळ यांनी पाऊन एकर क्षेत्रात बाग केली आहे. या पाऊन एकरात त्यांनी १६०० झाडे लावली आहेत. ही बाग लागवडी नंतर १५ ते २० वर्षापर्यंत टिकू शकते. सुरवातीला दोन ते तीन वर्षे ५० ते १ लाखापर्यंत उत्पादन व नंतर वार्षिक ३ ते ४ लाख रुपये एकरी मिळतात.
दुष्काळी भागातील खडकाळ जमीनीवर , पाण्याचा निचरा होत असलेल्या जमिनीवर, कमी पाण्यात येणारी हि बाग, मनुष्याला शारिरीक व्याधींवर गुणकारी आहे. कोरोनाच्या काळात जसे किव्ही फळ उपयुक्त आहे, तसेच ड्रॅगन फ्रुट ही लाभदायक आहे. केशव धुमाळ युवक शेतकरी यांने फुलविलेल्या ड्रॅगन फ्रुटच्या बागेची चर्चा खटाव तालुक्यात होत असून , हा आदर्श इतर सर्व शेतकरी यांनी घेण्याची गरज आहे .
