महाराष्ट्र न्यूज प्रतिनिधी : काऱ्याटी
मनुष्यबळ विकास लोकसेवा अकादमी, मुंबई यांच्या वतीने दिला जाणारा आदर्श युवक महाराष्ट्र युथ आयडॉल समाजरत्न पुरस्कार 2020 नुकताच वैभव भापकर यांना प्रदान करण्यात आला. करोनाच्या साथीमुळे हा पुरस्कार सोहळा ऑनलाईन स्वरुपात संपन्न झाला.राष्ट्रीय सेवा योजना, पाणी फाउंडेशन आणि इतर सामाजिक व शासकीय संस्थांच्या माध्यमातून त्यांनी विविध समाजपयोगी व विधायक कार्यक्रम राबविले.हा पुरस्कार त्यांच्या कार्याला प्रेरणा देणारा ठरेल.
विद्या प्रतिष्ठान सुपे महाविद्यालयाचे प्राचार्य डॉ राहुल पाटील व रा. से.यो.कार्यक्रम अधिकारी प्रा. अमर नांदगुडे तसेच मनुष्यबळ विकास लोकसेवा अकादमीचे अध्यक्ष ॲड.कृष्णाजी जगदाळे यांनी त्यांचे अभिनंदन केले तसेच विविध सामाजिक क्षेत्रातील मान्यवरांनी देखील त्यांचे अभिनंदन केले.
