महाराष्ट्र न्यूज पाचगणी प्रतिनिधी :
श्रीमती मीनलबेन महेता काॅलेज ,पाचगणी येथे गुरूवार दि.28 रोजी शिक्षणमहर्षी डाॅ.बापूजी साळुंखे व्याख्यानमाला समितीची बैठक प्राचार्य डाॅ.बी.एन.कोकरे यांच्या अध्यक्षतेखाली संपन्न झाली.या बैठकीत व्याख्यानमालेच्या 10 व्या वर्षासाठी नूतन अध्यक्ष म्हणून प्रसिध्द साहित्यिक जगन्नाथ शिंदे गुरूजी यांची निवड एकमताने करण्यात आली.
याच बैठकीत कार्याध्यक्ष,उपाध्यक्ष,सचिव,स्वागताध्यक्ष यांच्या निवडी खेळीमेळीत पार पडल्या.फेब्रुवारीत दि.8 ते 12 दरम्यान व्याख्यानमालेचे आयोजन करणे,प्रमुख पाहुणे व विषय ठरविणे,निधी संकलित करणे आदी विषयावर चर्चा करण्यात आली.प्रास्ताविक समन्वयक डाॅ.भाऊसाहेब दांगट यांनी केले.सूत्रसंचालन संयोजक प्रा.माणिक वांगीकर यांनी केले.आभार डाॅ.तुकाराम राबाडे यांनी मानले.बैठकीस पाचगणी पंचक्रोशीतील ज्येष्ठ व मान्यवर नागरिक,माजी विद्यार्थी संघाचे पदाधिकारी,रोटरी क्लबचे पदाधिकारी यांच्यासह प्राध्यापक वर्ग उपस्थित होते.
