महाराष्ट्र न्यूज प्रतिनिधी : वाई
खानापूर स्टॉप गोसावी वस्ती लगत असणाऱ्या मुकादम नगर मध्ये राहत असलेल्या बबन गंगाराम जाधव सुमन विनायक जाधव आणि किरण राजेंद्र जाधव यांच्या बंद घरांची कुलपे कटावणीच्या सह्याने फोडून अज्ञात चोरट्यांनी घरात प्रवेश करून कपाटातील कपडे व इतर वस्तू विस्कटून घरातील दहा हजार रुपय किमतीचा सोकेष मध्ये ठेवलेला टीव्ही चोरट्यांनी चोरून नेला आहे.
ह्या तिन्ही घरातील घरमालक परगावी गेल्याने घरातील चोरट्यांनी काय काय लंपास केले हे समजू शकले नाही चोरटे पळून जात असताना चोरी केलेल्या घरांच्या आसपास असणाऱ्या घरांच्या बाहेरून चोरट्यांनी कड्या लावल्याने परिसरातील लोकांना पळून जात असणाऱ्या चोरट्यांचा पाटला करता आला नाही किंवा कोण चोरटे आहेत हे त्यामुळे समजू शकले नाहीत ह्या चोऱ्या आज दिनांक 23 रोजी पहाटेच्या दरम्यान झाल्या असाव्यात असा अंदाज स्थानिक रहिवाशांनी व्यक्त केला आहे.
याची प्रथम माहिती स्थानिक नागरिकांनी खानापूर गावचे युवा नेते व माजी सरपंच असलेले किरण काळुंखे यांना कळविण्यात आली त्यांनी तात्काळ या घटनेची माहिती भुईंज पोलिसांना दिली पण पोलिसांनी तक्रार देण्यासाठी माणसं पाठवा तरच आम्ही तिकडे येतो असे उत्तर दिल्याने किरण काळुंखे यांना आश्चर्याचा धक्काच बसला चोरट्यांनी या ओझर्डे हद्दीत असणार्‍या मुकादम नगर मध्ये धुमाकूळ घातल्याने नागरिकांमध्ये भीतीचे वातावरण निर्माण झाले आहे.
