कराड : वृक्षवल्ली आम्हा सोयरी वनचरे, पक्षीही सुस्वरे आळवीती, झाडे लावा झाडे जगवा, वृक्ष देती मानवाला छाया मानवाने करावी त्यावरती माया, मुलांना द्यावे एकचं शिक्षण वसुंधरे मुळे आहे आपलं रक्षण, वृक्ष लावा अंगणात पसरेल समृध्दी जीवनात, नका करू वृक्ष तोडण्याची घाई नाहीतर होईल मानवी जीवन लाहीलाही, वृक्ष देती मानवाला छाया मानवाने करावी त्यावरती माया आशा घोषणा देत माझी वसुंधरा अभियानाच्या निमित्ताने कराड शहरात कराड नगरपरिषदेच्यावतीने वृक्षदिंडीच्या माध्यमातुन अभियानाची जनजागृती करण्यात आली.
माझी वसुंधरा अभियान 2022 अंतर्गत कराड नगरपरिषदेच्या वतिने शहरातून ‘वृक्षदिंडी’ काढण्यात आली. छत्रपती शिवाजी महाराज स्मारकापासून सूरू झालेली या वृक्षदिंडीचा प्रीतिसंगम बागेत समारोप करण्यात आला. या वृक्षदिंडीत वृक्षप्रेमी, पर्यावरण दुत, नगरपरिषदेची ग्रीनी टिम, एन्वायरो नेचर फ्रेन्ड क्लब, नगरपरिषदेचे सर्व मुकादम, आरोग्य कर्मचारी, महिला कर्मचारी सहभागी झाले होते.
