नवारस्ता प्रतिनिधी : महाराष्ट्र राज्य परीक्षा परिषद पुणे यांनी घेतलेल्या पूर्व उच्च प्राथमिक शिष्यवृत्ती इयत्ता ५ वी. व पूर्व माध्यमिक शिष्यवृत्ती इयत्ता ८ वी. या परीक्षांचा निकाल नुकताच जाहीर करण्यात आला असून या परीक्षेमध्ये शिवांजली शिक्षण संस्थेचे इंग्लिश मिडियम स्कूल, नाडे-नवारस्ता, पाटण या शाळेच्या ५ वी च्या २ विद्यार्थ्यांनी व ८ वी च्या २० विद्यार्थ्यांनी उज्वल यश संपादन केले आहे.
८ वी चा साहिल दीपक कदम या विद्यार्थ्यांने ८३.८९ % गुण प्राप्त करून राज्यात २६ वा क्रमांक पटकावला आहे. राज्यस्तरावर उज्वल यश संपादन केल्याबद्दल शिवांजली शिक्षण संस्थेचे चेअरमन मा. श्री. दादासाहेब माथने सर, सेक्रेटरी डॉ. दीपक कुराडे सर, इतर सर्व कमिटी मेंबर्स, विद्यालयाचे मा. प्राचार्य श्री यादव एस. के. सर, शाळा व्यवस्थापन समिती, विद्यालयातील शिक्षक व शिक्षकेत्तर कर्मचारी, पंचक्रोशीतील सर्व पालक व शुभचिंतक, यांनी यशस्वी विद्यार्थ्यांचे विशेष अभिनंदन केले. यशस्वी विद्यार्थ्यांना शुभेच्छा देत त्यांचे कौतुक केले.
