महाराष्ट्र न्यूज नेटवर्क
फलटण टपाल कार्यालयातून जादा आलेले पाच लाख रुपये प्रामाणिक पणे परत केल्याबद्दल फलटणचे माजी गटशिक्षणाधिकारी विलास भागवत व त्यांची पत्नी सौ संजीवनी भागवत यांचा फलटण टपाल कार्यालयाकडून सत्कार करण्यात आला.
येथील माजी गटशिक्षणाधिकारी विलास भागवत यांचे पत्नीचे नावे फलटण येथील पोस्टामध्ये बचत खाते आहे. त्यांचे भविष्य निर्वाह निधीचे मिळालेले सात लाख रुपये स्टेट बँकेच्या फलटण शाखेत पत्नीचे खात्यावर होते.पोस्टात गुंतवणूक करणेसाठी स्टेट बँक ऑफ इंडिया कडून ऑनलाईन टपाल कार्यालयातील खात्यामध्ये पाठविण्यात आले. सात लाख एन ई फ टी ( NEFT) केले असताना 12 लाख पोस्टाच्या बचत खात्यात जमा झाले.बचत खात्याची खात्री केली असता 12 लाख जमा होते. ही बाब फलटण पोस्टाच्या समक्ष विलास भागवत यांनी निदर्शनास आणून दिली.पोस्टाच्या अधिकाऱ्यांनी चौकशी केली असता चेन्नई येथील सर्व्हर कडून 2+5+5 असे सात लाख जमा झाले आहेत. 5 लाखाची दुबार एंट्री झाली. विलास भागवत यांनी सदर जादा रक्कम परत घेणेची विनंती केली. त्यानुसार दोन दिवसांनी पाच लाख रुपये जादाची रक्कम परत घेतली. विलास भागवत यांनी ही बाब पोस्टाच्या निदर्शनास आणून दिली नसती तर हा प्रकार उघडकीस आला नसता असे पोस्टाच्या अधिकाऱ्यांनी सांगितले.
विलास भागवत व त्यांची पत्नी सौ संजीवनी भागवत यांनी जादा आलेली पाच लाख रुपयांची रक्कम प्रामाणिकपणे परत केल्याबद्दल फलटण पोस्टऑफिसच्या पोस्ट मास्टर सौ. विजया खिलारे यांनी या प्रामाणिकपणाबद्दल विलास भागवत यांचा सपत्नीक सत्कार केला .यावेळी फलटण पोस्ट ऑफिसचे ट्रेझरर शंकर सूर्यवंशी,असिस्टंट पोस्ट मास्तर भरत केंजळे,लेखनिक अश्विनी झगडे, दिपक मोरे व टपाल कार्यालयातील कर्मचारी,आदी उपस्थित होते.
