महाराष्ट्र न्यूज कराड प्रतिनिधी : कराडच्या मंडईत थोड्यावेळापूर्वी चिकन सेंटर मधील एकावर दहा ते पंधरा जणांनी तलवारीने हल्ला केल्याची घटना घडली आहे. या घटनेने मंडई परिसरात तणावाचे वातावरण निर्माण झाले असून पोलिस बंदोबस्त तैनात करण्यात आला आहे. हल्लेखोर हल्ला झाल्यानंतर पसार झाले आहेत. या हल्ल्यात चिकन दुकानातील एक जण गंभीर जखमी झाला असून त्यास वेणूताई चव्हाण उपजिल्हा रुग्णालयात दाखल करण्यात आले आहे.
मंडईतील जनता व्यासपीठ जवळ असणाऱ्या पोलीस चौकीच्या समोरच थोड्या अंतरावर असणार्‍या चिकन सेंटरवर ही घटना घडली असून चिकन दुकाना समोर गाडी लावण्याच्या किरकोळ कारणावरून बाचाबाची व नंतर तलवार हल्ला झाल्याची माहिती घटनास्थळावरून मिळाली असून पोलीस पुढील तपास करीत आहे.
या घटनेमुळे मंडई परिसरात तणावपूर्ण वातावरण झाले आहे. सायंकाळच्या सुमारास मंडई परिसरात नेहमीच गर्दी असते अशातच मुस्लिम बांधवांचे उपवास सुरू झाल्याने या निमित्ताने ही मुस्लीम बांधव खरेदीसाठी मंडई परिसरात येत असतात.या घटनेची मंडई परिसरात चर्चा सूरू झाली असुन घटनास्थळी गर्दी होऊ लागली आहे.
