फलटण प्रतिनिधी:-
फलटण तालुक्यातील मौजे सुरवडी येथील
फलटण- लोणंद महामार्गावर जगतापवस्ती नजीक भीषण अपघात 2 जण जागीच ठार झाले आहेत तर ११ जण गंभीर जखमी झाले असल्याचे समजत आहे.
याबाबात घटनास्थळावरून मिळालेली अधिक माहिती अशी की फलटण- लोणंद रोडवर जगताप वस्ती नजीक इंडिका कार एम.एच.१४ एफ.सी.११०४ व तवेरा गाडी क्रमांक एम.एच१४ बी.ए.५०५३ या गाडीचा समोरा समोर भीषण असा गंभीर स्वरूपाचा अपघात झाला आहे.
पुणे येथून परत येताना फलटण तालुक्यातील सुरवडी येथील फलटण-लोणंद रोडवर जगताप वस्ती येथे भीषण अपघात झाला असून यातील गोट्या उर्फ सचिन भारत काळेल वय वर्षे ३० (रा.वळई,ता.माण,जि.सातारा) व शुभम केवटे वय वर्षे २८ (रा.संगमनेर,ता.संगमनेर,जि.अहमदनगर) हे जागीच ठार झाले आहेत.
या अपघातात दैवत शामराव काळेल,वय वर्षे ३७(रा.वळई,ता.माण जि.सातारा) हे गंभीर जखमी झाले आहेत. या अपघातातील मल्लिकार्जुन विरलप्पा शिरगुंडे,वय ६३ वर्षे (रा.गुलबर्गा,देवरवस्ती,मायनगर),सौ.सुवर्णा मल्लिकार्जुन शिरगुंडे,वय वर्षे ५५(रा.गुलबर्गा,देवरवस्ती,मायनगर),
गंगाधर गुंडप्पा बेळंबगी,सौ.पोर्णिमा गंगाधर बेळंबगी,व त्यांची मुलं रचित व रचना
सौ.पुजा अरुण कुमार पाटील वय वर्षे २९ (रा.नंदनवन सोसायटी हिंजवडी पुणे) व त्यांची दोन मुले अद्विक व प्रणम्या,हे तवेरा गाडीतील गंभीर जखमी झाले आहेत.
त्यांच्यावर फलटण शहरातील लाईफ लाईन व निकोप हॉस्पिटलमध्ये उपचार सुरू आहेत.
