शिवथर :- दि 12 रोजी शिवथर येथे श्री शिवप्रतिष्ठान हिंदुस्थान शिवथर व श्री.सिद्धीविनायक मित्र मंडळ शिवथर यांच्या वतीने दिपावली च्या पहिल्या दिवशी रक्तदान शिबिर आयोजित करण्यात आले होते.
श्री शिवप्रतिष्ठान हिंदुस्थान शिवथर व श्री.सिद्धीविनायक मित्र मंडळ शिवथर यांच्या वतीने दि. 12 रोजी दिपावली निमित्त सकाळी ०९ ते ०२ वा. पर्यंत जिल्हा परिषद शाळेच्या प्रांगणात या शिबीराचे आयोजन करण्यात आले होते. सकाळी सदर रक्तदान शिबिराचे उदघाटन शिवथर गावातील फौजी अक्षय साबळे, अमर साबळे, तन्मय साबळे, व अजय साबळे, यांच्या हस्ते श्रीफळ वाढवून उदघाटन करण्यात आले. त्यानंतर श्री शिवप्रतिष्ठान हिंदुस्थान व श्री.सिद्धीविनायक मित्र मंडळाचे सदस्य यांनी छ. शिवाजी महाराजांच्या मूर्ती समोर उभ राहून ध्येय मंत्र व प्रेरणा मंत्राचे समूह गायन करून रक्तदान शिबिराला सुरू करण्यात आले. रक्तदात्यांना प्रोत्साहन मिळावं यासाठी स्मार्ट वॉच, ब्लूटूथ हेड फोन, थर्मास यापैकी कोणतीही 1 वस्तू गिफ्ट स्वरूपात देण्यात येत होती. सदर रक्तदान शिबिराला रक्तदात्यांनी चांगला प्रतिसाद दिला. सलग 11 वर्ष श्री.सिद्धीविनायक मित्र मंडळ रक्तदान शिबिर आयोजित करून सामाजिक कार्यात मोलाचा वाटा उचलतात. सदर रक्तदान शिबिरास एकूण ४० रक्तदात्यांनी रक्तदान केले.
