दहिवडी : ता.११
माण तालुक्यातील थदाळे येथील विकास सेवा सोसायटीच्या चेअरमनपदी प्रतापसिंग मल्हारी रजपूत यांची बिनविरोध निवड झाली. व्हाईस चेअरमनपदी सुग्राबी मौला मुलाणी यांचीही बिनविरोध निवड झाली.
याआधी चेअरमन यशवंत पंढरीनाथ वावरे हे होते, तर व्हाईस चेअरमन नानासो रामचंद्र बोराटे यांनी स्वखुशीने राजीनामा दिल्याने हे पद रिक्त झाले होते. त्यानंतर या रिक्त पदासाठी प्रतापसिंह रजपूत आणि सुग्राबी मुलाणी यांनी दाखल केले होते. त्यानंतर कुणाचाही अर्ज दाखल न झाल्याने प्रतापसिंग रजपूत यांची चेअरमन आणि सुग्राबी मुलाणी यांची व्हाईस चेअरमनपदी बिनविरोध निवड करण्यात आली.
या नियुक्तीवेळी सोसायटी सचिव बापूराव देवकर आणि विकास अधिकारी श्री.घाडगे यांनी काम पाहिले. यावेळी विकास सेवा सोसायटीचे सर्व विद्यमान संचालक यांच्यासह ग्रामस्थ मोठ्या संख्येने उपस्थित होते. लेखनिक म्हणून सोमनाथ जाधव यांनी काम पाहिले.
या निवडीबद्दल नवनियुक्त चेअरमन आणि व्हाईस चेअरमन यांचे आमदार जयकुमार गोरे, जि.प.सदस्य अरुण गोरे, ज्येष्ठ लोकनेते राजाराम बोराटे(बापू), दादासो बोराटे, आप्पासो शिंगाडे, विनोद बोराटे आदींनी अभिनंदन केले.
