दहिवडी : ता.१९
दहिवडी कॉलेज दहिवडीच्या अध्यक्षपदी आशुतोष गायकवाड यांची बहुमताने निवड झाली आहे. यिनच्या माध्यमातून दहिवडी कॉलेज दहिवडीचे नवे विद्यार्थी प्रतिनिधी म्हणून निवडून आलेल्या आशुतोष गायकवाड यांना एकूण ११३४ पैकी ६९८ मते मिळाली.
दैनिक सकाळ समूहाच्या वतीने युवा वर्गाच्या नेतृत्वगुणाला वाव देण्यासाठी गेल्या दोन वर्षापासून ‘यिन’ नावाचा उपक्रम राबविण्यात येत आहे. त्यानुसार प्रत्येक महाविद्यालयात निवडणुका पार पडतात. यावर्षी प्रथमच ऑनलाईन पद्धतीने निवडणुक घेण्यात आली. यामध्ये विविध महाविद्यालयात निवडणूक प्रक्रिया पार पडली. त्याच अनुषंगाने दहिवडी कॉलेज दहिवडीमध्ये ही निवडणूक पार पडली.
नेतृत्वगुण, विद्यार्थ्यांचे प्रश्न हाताळण्याची कला आणि निर्भीडता या तीन गुणांचा संगम असणाऱ्या आशुतोष गायकवाड यांचे विद्यार्थी प्रतिनिधी म्हणून झालेल्या निवडीबद्दल आमदार जयकुमार गोरे यांनी अभिनंदन केले.
यावेळी विविध मान्यवर उपस्थित होते. आशुतोष गायकवाड यांच्या झालेल्या निवडीनंतर मित्र परिवाराच्यावतीने दहिवडीत रॅली काढून रॅली काढून सत्कार करण्यात आला.
