दहिवडी : ता.२०
शिंगणापूर-दहिवडी मार्गावर घाट सुरू होताना असलेल्या पाण्याच्या टाकीजवळ विटांनी गच्च भरलेली ट्रॉली महिलेच्या अंगावर आल्याने महिला जागीच ठार झाल्याची दुर्दैवी घटना घडली.
घटनास्थळावरून मिळालेल्या प्राथमिक माहितीनुसार, मांडवे ता.माळशिरस या ठिकाणाहून विटांनी गच्च भरलेला दोन ट्रॉली असलेला ट्रॅक्टर क्र.एम.एच.११ यु.८८३० हा दहिवडीच्या दिशेने जात होता. घाट असल्याने ट्रॅक्टरमध्ये लोड भरपूर लोड असल्याने मयत महिला आणि तिचा पती हे दोघे ट्रॅक्टरमधून उतरून चालत जात असताना विटांनी गच्च भरलेली ट्रॉली अंगावर आल्याने महिला जागीच ठार झाली. यामध्ये सुदैवाने तिचा पती बचावला.
अमोल माने आणि संतोष माने हे दोघेही (रा.मांडवे,ता.माळशिरस) ट्रॅक्टरचे मालक असून तेच चालकही असल्याची प्राथमिक माहिती घटनास्थळावरून मिळाली. तसेच रंजना वाघमारे असे मयत व्यक्तीचे नाव असून ही मांडवे येथील वीट भट्टीवर कामाला होती. ती मूळ नांदेडची असल्याची प्राथमिक माहिती मिळत आहे.
हा अपघात होताच वावरहिरे येथील नागरिकांनी त्या ठिकाणी मोठी गर्दी केली होती या संदर्भात पोलीस पाटील भारती यांनी दहिवडी पोलीस स्टेशनशी तात्काळ संपर्क केला. त्याचवेळी दहिवडीहून दहिवडी पोलिस घटनास्थळी दाखल झाले. याच दरम्यान पोलीस पाटील यांनी रुग्णवाहिकेला केलेल्या संपर्कानंतर रुग्णवाहिका घटनास्थळी दाखल झाली आणि मयत व्यक्तीचे प्रेत हे पोस्टमार्टेमसाठी पाठवण्यात आले, अशी माहिती घटनास्थळावरून मिळाली.
