सातारा:
सातारा तालुका पत्रकार संघाची शनिवार दि.२५ जानेवारी रोजी बैठक खेळीमेळीत पार पडली. यावेळी विविध विषयांवरील चर्चा, ठराव पारित करून सन २०२५-२६ या वर्षासाठी नुतन पदाधिकारी निववडीचा कार्यक्रम पार पडला. यावेळी कार्यक्रमाचे प्रमुख पाहुणे म्हणून अधिस्वीकृती समितीचे अध्यक्ष हरिष पाटणे आणि पत्रकार संघाचे ज्येष्ठ मार्गदर्शक विनोद कुलकर्णी हे होते.
यावेळी बोलताना हरिष पाटणे म्हणाले, “सातारा तालुक्यातील पत्रकारांनी जिल्ह्याच्या आदर्श पत्रकारितेचा वारसा सक्षमपणे पुढे चालवावा. सातारा तालुका पत्रकार संघाच्या पदाधिकाऱ्यांची बिनविरोध निवड झाली. सामाजिक व्यवस्था अधिक सक्षम करण्यासाठी प्रत्येकाने सर्वोत्तम योगदान द्यावे,” असे अपेक्षा व्यक्त केली.
यावेळी बोलताना विनोद कुलकर्णी यांनी, “पत्रकारांना कर्तृत्वाने सामाजिक प्रतिष्ठा मिळते. सामाजिक व्यवस्था अधिक निकोप होण्यासाठी नेहमीच व्यस्त रहा. यातून उल्लेखनीय वार्तांकन करत तालुका पत्रकार संघाचा आदर्श निर्माण करावा,” अशी अपेक्षा व्यक्त केली.
महाराष्ट्र राज्य पुणे विभागीय अधिस्वीकृती समितीचे अध्यक्ष, सातारा जिल्हा पत्रकार संघाच्या अध्यक्ष हरिष पाटणे, पत्रकार संघाचे ज्येष्ठ मार्गदर्शक विनोद कुलकर्णी यांच्या हस्ते नूतन पदाधिकाऱ्यांचा सत्कार करण्यात आला.
यावेळी विविध विषयांवर चर्चा, ठराव पारित करून सन २०२५-२६ या वर्षासाठी नुतन पदाधिकाऱ्यांच्या निवडी बिनविरोध करण्यात आल्या.
सातारा तालुका अध्यक्ष अजय कदम, उपाध्यक्ष विजय जाधव, सुनील साबळे, सचिव पदी राहूल ताटे पाटील, सहसचिव गुलाब पठाण, खजिनदार वसंत साबळे, कार्याध्यक्षपदी बाळू मोरे, संघटक पदी नितीन साळुंखे तर कार्यकारिणी सदस्य म्हणून प्रमिला साबळे, सतिश जाधव, संतोष यादव, विकास जाधव, निलेश रसाळ, मिलिंद लोहार, प्रविण राऊत आदींची एकमताने निवड झाली. यावेळी सातारा तालुक्यातील मोठ्या संख्येने पत्रकार संघाचे सभासद उपस्थित होते.
