कळंब प्रतिनिधी शहाजीराजे भोसले
गेल्या आठ दिवसांत इंदापूर तालुक्यातील जंक्शन , बोरी , कळंब ( लालपुरी ) , शेळगांव , लाकडी , व उद्धट मध्ये कोरोनाचे रूग्ण आढळले आहेत . झपाट्याने कोरोना वाढत चालल्यामुळे पश्चिम भागातील नागरिक घाबरले आहेत.
भरणे यांनी आज सकाळी जंक्शन , बोरी , कळंब ( लालपुरी ) मध्ये कोरोनाचे रूग्ण आढळलेल्या गावामध्ये भेट देवून नागरिकांना धीर दिला .
भरणे यांनी सांगितले की , इंदापूर तालुक्यासह राज्यावरती कोरोनाचे संकट आले आहे . जुलै महिन्यात कोरोना रूग्णांच्या संख्येत झपाट्याने वाढ झाली आहे . आगामी एक महिना महत्त्वाचा असून , नागरिकांनी काळजी घ्यावी .
यावेळी तहशिलदार सोनाली मेटकरी , गटविकास अधिकारी विजयकुमार परिट , वालचंदनगर पोलिस स्टेशनचे सहाय्यक पोलिस निरीक्षक दिलीप पवार , जंक्शनचे सरपंच राजकुमार भोसले , बोरीचे सरपंच संदिप ठोंबरे उपस्थित होते .
