कळंब प्रतिनिधी – शहाजीराजे भोसले
इंदापूरमध्ये आज नव्याने तीन जणांना कोरोनाची लागण झाली आहे . त्यामध्ये उध्दट येथील कोरोनाग्रस्त रूग्णाच्या पत्नी व मुलीसह शहरातील एकाचा समावेश आहे .
उध्दट येथे काल पुणे जिल्हा मध्यवर्ती सहकारी बॅंकेच्या अधिकारी यांस कोरोनाची लागण झाली होती . या रुग्णाच्या संपर्कातील पाचजणांची तपासणी करण्यात आली , त्यामध्ये या रुग्णाच्या पत्नीसह मुलीचा अहवाल पॉझिटीव्ह आला आहे . तर उर्वरित तिघांचे अहवाल प्रतिक्षेत आहेत .
इंदापूर शहरातील बाब्रस गल्ली , कसबा येथेही नव्याने एक रूग्ण सापडला आहे . त्याच्यावर इंदापूर कोव्हिड केअर सेंटरमध्ये उपचार सुरू आहेत . दुसरीकडे कळस येथील दोघांचे अहवाल निगेटिव्ह आले आहेत.
दरम्यान उध्दट येथे तीन रूग्ण आढळून आलेने इंदापूर तालुक्याच्या पश्चिम भागात चिंतेचे व भीतीचे वातावरण निर्माण झाले आहे.
