महाराष्ट्र न्यूज प्रतिनिधी : शहाजीराजे भोसले (कळंब – इंदापूर)
इंदापूर तालुक्यात आज कोरोनाने ७ वा बळी घेतला. सणसर येथील कोरोनाग्रस्त , माध्यमिक विद्यालयाच्या शिक्षकाचा उपचारा दरम्यान मृत्यू झाला .
२७ जुलै पासून हे शिक्षक कोरोना वरील उपचारासाठी बारामतीत दाखल होते.त्यांच्यावर उपचार सुरू होते. मात्र अचानक प्रकृती जास्त खालावल्याने ह्रदयविकाराचा झटका आला आणि त्यांचा मृत्यू झाला. त्यांच्या मृत्यूने परिसरात हळहळ व्यक्त होत आहे. विशेष म्हणजे त्यांच्या कुटुंबात ८ जणांना कोरोनाची लागण झाली होती, त्यांनी नुकतीच कोरोनावर मात केली होती.
इंदापूर तालुक्यातील कोरोना पॉझिटीव्ह रूग्णांची संख्या दिवसेंदिवस वाढतच असून इंदापूर उपजिल्हा रुग्णालय अंतर्गत कोव्हिड केअर सेंटर लॅबमध्ये मंगळवार , दि. ४ ऑगस्ट रोजी तपासणी करण्यात आलेल्या रिपोर्ट मध्ये एकुण ९ जण पॉझिटीव्ह आढळून आल्याने व परवा घेण्यात आलेल्या नमुन्यातील भिगवण येथे २ तर बाभुळगाव येथे १ असे इंदापूर तालुक्यात आज दिवसाअखेर एकुण १२ जण पॉझिटीव्ह आल्याची माहिती इंदापूरच्या तहशिलदार सोनाली मेटकरी यांनी दिली .
