महाराष्ट्र न्यूज प्रतिनिधी : शहाजीराजे भोसले (कळंब – इंदापूर)
इंदापूर तालुक्यातील शहाजीनगर येथील निरा भीमा सहकारी साखर कारखान्यावर देशाच्या ७४ व्या स्वातंत्र्य दिनानिमित्त कारखान्याचे संस्थापक व माजी सहकार मंत्री हर्षवर्धन पाटील यांच्या हस्ते उत्साही वातावरणामध्ये ध्वजारोहण करण्यात आले . यावेळी हर्षवर्धन पाटील यांचे सध्याच्या कोरोनाच्या पार्श्वभूमीवर आरोग्य , आर्थिक आणि सहकारातील सद्य:परस्थितीचा अभ्यासपूर्ण आढावा घेणारी व भविष्यकाळाचा सडेतोड वेध घेणारी मुद्देसूदपणे माहिती सांगितली . हर्षवर्धन पाटील यांनी विविध विषयांना स्पर्श करीत कारखान्याचे पदाधिकारी , अधिकारी व कर्मचारी यांना मार्गदर्शन केले.
प्रास्ताविकात कारखान्याचे प्रभारी कार्यकारी संचालक सुधीर गेंगे-पाटील यांनी मान्यवरांचे स्वागत केले. याप्रसंगी कारखान्याचे ध्वजारोहन कार्यक्रम प्रसंगी विलासराव वाघमोडे , उदयसिंह पाटील , कृष्णाजी यादव , मनोज पाटील , प्रतापराव पाटील , दादासाहेब घोगरे , प्रकाशराव मोहिते, भागवत गोरे, मोहन गुळवे , राजेंद्र देवकर , के.एस.खाडे , एच.के. चव्हाण , पोपट तावरे , नामदेव घोगरे आदी मान्यवरांसह अधिकारी, कर्मचारी उपस्थित होते . सुभाष घोगरे यांनी सूत्रसंचालन केले .
