महाराष्ट्र न्यूज प्रतिनिधी : शहाजीराजे भोसले(कळंब – इंदापूर)
भिगवण ( ता.इंदापूर ) ह्या परिसरातील सोमा एंटरप्रायझेस कंपनी बेकायदेशीर रित्या प्रचंड वाळू उपसा करते, व सरकारच्या मालकीचे गौण खणीज मातीमोल किंमतीने विकून विल्हेवाट लावत असल्याचा आरोप डाळज नं.२ येथील शशिकांत बाळू सवाणे, शरद ( नाना ) चितारे, संदिप प्रकाश वाघमारे यांनी केला आहे.
याबाबतची लेखी तक्रार इंदापूरच्या तहशिलदार कार्यालयात दाखल झाली आहे . कंपनी वरती कारवाई होण्यासाठी तक्रारदार तहशील कार्यालयासमोर मंगळवार , दि.२५ ऑगस्ट पासून उपोषणाला बसले आहेत . इंदापूर तालुका वंचित बहुजन आघाडीने उपोषणाला पाठींबा दिला आहे . यावेळी वंचित बहुजन आघाडीचे तालुकाध्यक्ष दत्तात्रय घोडके यांनी कंपनी विरोधात गुन्हा दाखल न झाल्यास तीव्र आंदोलन झेडण्याचा इशारा दिला आहे .
