महाराष्ट्र न्यूज प्रतिनिधी सातारा : यशवंत बँकेच्या सातारा शाखेच्या आठव्या वर्धापन दिनानिमित्त रक्तदान शिबिराचे आयोजन. यशवंत को-ऑपरेटिव्ह बँक लिमिटेड फलटण च्या सातारा शाखेच्या आठव्या वर्धापन दिनानिमित्त, शनिवार दिनांक 17 रोजी रक्तदान शिबिराचे आयोजन करण्यात आल्याची माहिती बँकेचे अध्यक्ष शेखर चरेगावकर, उपाध्यक्ष नरेंद्र भोईटे व मुख्य कार्यकारी अधिकारी धनंजय डोईफोडे यांनी दिली. पश्चिम महाराष्ट्रात यशवंत कॉपरेटिव बँकेने आपल्या या विविध उपक्रमाने व बँकिंग सेवेने आपला वेगळा ठसा उमटविला आहे.
बँकेचे अध्यक्ष शेखर चरेगावकर यांच्या कुशल मार्गदर्शनाखाली यशवंत बँकेने गरुड भरारी घेतली आहे. सातारा शाखेच्यावतीने दरवर्षी वर्धापन दिनानिमित्त विविध कार्यक्रमांचे आयोजन केले जाते. मात्र कोरोना परिस्थितीमुळे यावर्षी जाहीर कार्यक्रम न घेता रक्तदान शिबिराचे आयोजन केले आहे. सोशल डिस्टंसिंग चे पालन करून, हे रक्तदान शिबिर माऊली ब्लड बँक सातारा यांच्या सहकार्याने आयोजित केले असून, यामध्ये हे सहभागी व्हावे असे आवाहन बँकेचे अध्यक्ष शेखर चरेगावकर यांनी केले आहे.
