फलटण : फलटण शहरातील मारवाड पेठ येथील धामट घर ते करवा घर या ठिकाणी असणारे गटर सातत्याने तुंबून राहत असल्याने नागरिकांची मोठी गैरसोय होत होती. याबाबत स्थानिक नागरिकांनी लोकप्रतिनिधींना वारंवार सांगून सुद्धा जाणीवपूर्वक दुर्लक्ष करण्यात येत होते .आज दि.31 रोजी या ठिकाणी सिमेंट पाईप लाईन टाकून गटर बंदिस्त करण्याचे काम वार्ड क्र.10 मध्ये स्वखर्चाने माजी नगरसेवक अनुप शहा यांनी केले आहे.
यामध्ये मध्यंतरी लोकप्रतिनिधीच्या नातेवाईकाने या ठिकाणचे गटर जेसीपी ने उकरले होते. मात्र, बंदिस्त पाईपलाईन केली नाही, त्यामुळे काही नागरिकांनी स्वखर्चाने सुमारे दहा हजार रुपये खर्च करून आपल्यासमोरील गटर सिमेंट पाईप लाईन टाकून बंदिस्त केले .परंतु उरलेले भागामध्ये पुन्हा खादलेल्या जेसीबीने गटर बुजवण्यात आले होते. त्यामुळे पाणी साठवून राहत होते व ते परत रहिवाशांच्या घरांमध्ये शिरत होते. या गोष्टीची तक्रार नागरिकांनी माजी नगरसेवक अनुप शहा यांच्याकडे केल्यानंतर तातडीने स्वखर्चातून वार्ड क्र.10 मध्ये सिमेंट पाईप लाईन टाकून दुरुस्त करण्याचे काम आज सुरू केले आहे.
