कराड : रोटरी क्लब ऑफ कराडची धूरा आता नुतन संचालक प्रेसिडेंट चंद्रकुमार डांगे व सेक्रेटरी अभय पवार यांच्या हाती देण्यात आली रोटरी क्लब ऑफ कराड ही आंतरराष्ट्रीय स्तरावर काम करणारी सामाजिक संस्था या वर्षी 65 व्या वर्षात पदार्पण करत आहे. रोटरी क्लब ऑफ कराड चे 2021-22 हे जुलै 2021 या दिवशी सुरु होत असून या वर्षासाठी रो. चंद्रकुमार शंकरराव डांगे यांची प्रेसिडेंट आणि रो. अभय अरविंद पवार यांची सेक्रेटरी या पदावर नियुक्ती करण्यात आली. तसेच नविन संचालक मंडळ ही नियुक्त करण्यात आले.
सर्व रोटरी सभासदांच्या सहकार्याने कोविड-19 च्या जनजागृतीसाठी उपक्रम, शाळा दत्तक योजना, वृक्षारोपण, जयपुर फुट कॅम्प प्राजेक्ट, गरोदर स्त्री व बालक यांचे आरोग्यासाठी विविध उपक्रम, कॅन्सर निदान, पर्यावरणपुरक उपक्रम, विविध क्रीडा स्पर्धा आणि असे अनेक विविध सामाजिक उपक्रम राबविण्याचा प्रेसिडेंट रो. चंद्रकुमार शंकरराव डांगे आणि सेक्रेटरी रो. अभय अरविंद पवार यांचा मानस आहे.रोटरी क्लब ऑफ कराडच्या सामाजिक कार्याच्या वाटचालीत कराड शहरातील व पंचक्रोशीतील अनेकांचे सहकार्य मिळते. तसेच ते यापुढेही मिळेल अशी खात्रीही रोटरी क्लबच्या पदाधिका-यांनी व्यक्त केली.
