महाराष्ट्र न्यूज/ फलटण ; सागर अर्जुन डांगे यांनी फलटण येथील तालुका कृषी अधिकारी म्हणून पदभार स्वीकारला आहे. फलटण तालुका कृषी अधिकारी पद बराच काळ रिक्त होते.
सागर डांगे यांचे प्राथमिक शिक्षण आणि माध्यमिक शिक्षण फलटण तालुक्यातच झालेले असून कृषी पदवीचे शिक्षण त्यांनी पुणे येथील कृषी महाविद्यालयात घेतले आहे. रिसोड जिल्हा वाशिम येथे मंडल कृषी अधिकारी म्हणून सेवेत रुजू झाल्यानंतर गडचिरोली जिल्ह्यातील तालुका चामोर्शी येथे तालुका कृषी अधिकारी म्हणून बढती मिळाली. त्यानंतर त्यांची बदली फलटण येथे झाली आहे. भाडळी तालुका फलटण या गावचे ते सुपुत्र आहेत.
