महाराष्ट्र न्यूज जळोची प्रतिनिधी – दिगंबर पडगर
बारामतीत आज पुन्हा तीन करोना पॉझिटिव्ह रुग्ण आढळून आले आहेत. त्यामुळे बारामतीकरांची चिंता वाढली आहे. सदर रुग्ण हे शहरातील पान गल्ली, वसंतनगर व जवळची येथील आहेत. यातील एक महिला रुग्ण आरोग्य कर्मचारी आहे. तर या रुग्णांमध्ये पंधरा वर्षीय मुलीचा समावेश आहे. तर पान गल्लीतील 48 वर्षीय व्यक्तीचा यात समावेश आहे.
बारामती शहरात बारामती पॅटर्न राबविण्यात आला होता. या पॅटर्नमुळे करोना साखळी तोडण्यात यश मिळाले होते. मात्र अनेक दिवस कुराणाचे रुग्ण आढळून आल्याने पुन्हा बाजारपेठा सुरू करण्यात आल्या. दरम्यान नागरिकांकडून टाळेबंदीच्या नियमांचेे काटेकोरपणे पालन होत नसल्यामुळे शहरात रुग्णांच्या संख्येत वाढ होत असल्याचे दिसते. त्यामुळे पुन्हा एकदा कडक अंमलबजावणीची आवश्यकता निर्माण झाली आहे.
