महाराष्ट्र न्यूज प्रतिनिधी : शहाजीराजे भोसले( कळंब – इंदापूर)
इंदापूर तालुक्याचे युवा नेतृत्व व नीरा भीमा सहकारी साखर कारखान्याचे संचालक राजवर्धन पाटील यांनी रविवार , दि.३० ऑगस्ट रोजी इंदापूर तालुक्यातील बाभुळगाव येथे महावीर आसबे यांच्या विवाह सोहळ्यात आले होते . नवरदेव महावीर आसबे स्वतः पेशाने एक फेमस फोटोग्राफर असल्याने राजवर्धन पाटील यांनी फोटोग्राफर बनून लग्नाचे फोटोशूट करत अनोख्या पद्धतीने शुभ कार्यास शुभेच्छा दिल्या .
राजवर्धन पाटील यांच्यातील फोटोग्राफर हा लग्न सोहळ्यातील उपस्थितांचा चर्चेचा विषय ठरला . मिळालेला राजकिय वारसा हा समाजकार्याची प्रेरणा असून , आपण त्याचा उपयोग फक्त राजकारणासाठी न करता समाजिक कार्यासाठी सुध्दा करावा हे राजवर्धन पाटील यांनी कृतीतून दाखवून दिले .
